Prarasijskaja aktyvistka Elvira Mirsalimava patrabuje pakarańnia «niedatykalnych asobaŭ»

Viadomaja prarasijskaja aktyvistka ź Viciebska Elvira Mirsalimava padtrymała viciebskaha aktyvista Dźmitryja Karniajenku, jaki źviarnuŭsia ŭ milicyju z zajavami pra toje, što supracoŭniki MUS vielmi vybaračna prymianiajuć č. 2 art. 19.11 KaAP («raspaŭsiud ekstremizmu», piša «Viciebskaja viasna».

Elvira Mirsalimava

Raniej Dźmitryj Karniajenka źviarnuŭsia ŭ milicyju z zajavami, što pad sud nibyta za «raspaŭsiud ekstremizmu» z nastupnymi pakarańniami traplajuć šarahovyja biełarusy, u toj čas jak u sacsietkach «niedatykalnych asobaŭ» taksama sustrakajucca spasyłki na tak zvanyja «ekstremisckija infarmacyjnyja resursy». U liku takich asob — žonka staršyni abłvykankama, kiraŭnica praŭładnaha piśmieńnickaha sajuza, dyrektarka abłasnoha krajaznaŭčaha muzieja. 

Fota z fejsbuk-staronki Dźmitryja Karniajenki

Elvira Mirsalimava niečakana Karniajenku padtrymała:

«Ja absalutna nie chaču, kab hetyja viadomyja i ŭpłyvovyja viciebskija ludzi sieli abo byli aštrafavanyja, jak ja, maje adnadumcy ci prostyja «rabaciahi». Ale, kali my havorym pra «dziaržavu ŭnikalnaj sacyjalnaj spraviadlivaści», to i staŭleńnie da ŭsich pavinna być roŭnaje, niezaležna ad pasady i statusu», — piša prarasijskaja aktyvistka.

Praŭda, niahledziačy na pryncypovuju padtrymku patrabavańniaŭ Dźmitryja Karniajenki, samoha jana nazyvaje «danosčykam».

Fota z fejsbuk-staronki Dźmitryja Karniajenki

Raniej pavodle zajaŭ Dźmitryja Karniajenki za «raspaŭsiud ekstremizmu» byli asudžanyja i sama Elvira Mirsalimava, i jaje adnadumca, były deputat Viarchoŭnaha Savieta SSSR Mikałaj Pietrušenka. Abodva aburalisia, što ich sudziać za toje ž, što i «zmaharoŭ», tady jak jany nie źjaŭlajucca prychilnikami apazicyi, a tamu čakajuć bolš łajalnaha staŭleńnia.

Kamientary da artykuła