Mirny i Bjorkman vyjšli ŭ čverćfinał US Open u parnym razradzie
U matčy treciaha raŭndu 4 vieraśnia jany pieramahli niemcaŭ Michaela Kolmana i Alaksandra Vaskie ź likam 4:6, 6:3, 6:4.
Biełaruska-švedzki duet u składzie Maksima Mirnaha i Jonasa Bjorkmana vyjšaŭ u čverćfinał parnaha razradu Adkrytaha čempijanatu ZŠA pa tenisie.
U matčy treciaha raŭndu 4 vieraśnia (u Miensku była hadzina nočy aŭtorka, 5 vieraśnia) jany pieramahli niemcaŭ Michaela Kolmana i Alaksandra Vaskie ź likam 4:6, 6:3, 6:4.
U čverćfinale Mirny i Bjorkman zhulajuć z francuzami Arno Klemanam i Fransua Ladro, jakija adoleli izrailskuju paru – Džonatan Erlich i Endzi Ram – 6:7, 7:6, 6:2.
Adznačym, što Maksim Mirny dvojčy pieramahaŭ na US Open u parnym razradzie – u 2000-m i 2002 hadach. A sioleta pieršynstvavaŭ na Ralan Haros u Paryžy.
Nahadajem, što ŭ niadzielu Viktoryja Azaranka vybyła z adzinočnaha razradu, sastupiŭšy Hańnie Čakvetadze (Rasieja). A ŭ pary ź Mirnym - i ź mikstu. Jany prajhrali aŭstralijcam Nikol Prat i Połu Chenli.