Rasija refinansuje častku vydadzienych Biełarusi kredytaŭ
Biełaruś damoviłasia ab refinansavańni častki rasijskich kredytaŭ. Pra heta paśla vizitu ŭradavoj delehacyi na čale z premjer-ministram Alaksandram Turčynym u Maskvu ŭ efiry telekanała «Biełaruś 1» paviedamiŭ ministr finansaŭ Juryj Sielivierstaŭ.
Kankretnaja suma rasijskaha doŭhu, jakaja padpadaje pad dasiahnutyja pahadnieńni, nie nazyvajecca, ale heta dazvolić istotna padtrymać ajčynnuju finansavuju sistemu, adznačajuć u Minfinie.
«Pa asobnych pahadnieńniach damovilisia ab refinansavańni kredytaŭ urada Rasii, jakija raniej pradastaŭlali Ministerstvu finansaŭ», — zajaviŭ Juryj Sielivierstaŭ.
U sakaviku rasijski parłamient užo ratyfikavaŭ raniej dasiahnutyja pahadnieńni ab pradastaŭleńni Biełarusi adterminoŭki pa kredytach na ahulnuju sumu kala $800 miljonaŭ.