«Nie ŭznaharodžvaj siabie ježaj, ty nie žyvioła». Tyktokierki zapuścili trend na chvaravituju chudziznu
U tyktoku raspaŭsiudžvajecca niebiaśpiečny trend pad nazvaj skinny tok. Dziaŭčaty zapisvajuć videa z paradami nakont ekstremalnaha pachudzieńnia — zdarovaha ŭ ich mała.
Kadry z rolikaŭ: sashalusslover, itzmevenus / TikTok
Na siońnia pad chešteham #skinnytok možna znajści ŭžo bolš za 43 tysiačy rolikaŭ, i ŭsie jany vyjšli za apošnija miesiacy. Chvaravita chudyja dziaŭčaty dzielacca ŭ ich dumkami nakont pachudzieńnia i matyvujuć chudzieć nadalej — maŭlaŭ, heta ich šlach da pośpiechu ŭ žyćci.
Z adnaho boku, parady pad hetym chešteham mohuć padacca karysnymi. Naprykład, u hetym roliku na 700 tysiač prahladaŭ błohierka sashalusslover prapanuje jeści bolš białkoŭ i klatčatki, čaściej ruchacca i nie rabić ježu centram svajho žyćcia.
Ale pad hetym ža chešteham publikujuć šmat videa, dzie tyktokierki ličać kožnuju kałoryju i mocna abmiažoŭvajuć siabie ŭ ježy, a taksama vučać hetamu inšych.
Dy i vyhlad takich dziaŭčat — narmalizacyja chvaravitaj chudzizny.
Asobnaja historyja — «matyvacyjnyja» słovy, jakija hučać u hetych rolikach. Dziaŭčaty prosiać nie ŭznaharodžvać siabie ježaj, bo «ty nie žyvioła» i nazyvajuć skinny tok myśleńniem paśpiachovych ludziej, a taksama kažuć, jak ich žyćcio nibyta źmianiłasia da lepšaha paśla taho, jak atrymałasia skinuć niekalki kiłahram.
Voś hetaja błohierka prosić nie prapanoŭvać joj ježu — maŭlaŭ, jana i tak viedaje, što chudaja.
Śpiecyjalisty aburanyja takim trendam. Dyjetołah Andrea Mecis kaža, što, z adnaho boku, skinny tok dapamahaje ludziam bolš uvažliva stavicca da taho, što jany jaduć, i časam pachudzieńnie — nasamreč dobraja ideja. Ale pry hetym novy trend nadaje vielmi šmat uvahi abmiežavańniam.
Andrea razvažaje, što kali zanadta zachapicca takimi idejami, možna dajści da chvaravitaj apantanaści pachudzieńniem. A tam niedaloka da papularnych siońnia charčovych razładaŭ, jakija vielmi niebiaśpiečnyja dla zdaroŭja.
Čytajcie taksama:
U Biełarusi pakažuć «Minecraft u kino» — film bje rekordy pa suśvietnych zborach
«Heta rok-n-roł». Šura Stoŭn aceńvaje načosy łukašystak ź lehiendarnaha artykuła «Našaj Nivy»
U kramie znajšoŭsia pradukt za 36 kapiejek — jaho možna źjeści z harbataj