Byŭ mocny pažar na pradpryjemstvie ŭ Dziaržynskim rajonie
Pres-słužba MNS paviedamiła pra ŭzharańnie na terytoryi pradpryjemstva ŭ ahraharadku Hryčyna Dziaržynskaha rajona.
Skrynšot ź videa
Paviedamlajecca, što da likvidacyi pažaru pryciahnutyja 8 aŭtacysternaŭ, aŭtadrabina i aŭtakalenčany padjomnik.
Paśla ratavalniki paviedamili, što likvidavali pažar na pradpryjemstvie pa vytvorčaści kampazitnych materyjałaŭ. Pa prybyćci padraździaleńniaŭ MNS było ŭstanoŭlena, što haryć adnapaviarchovy budynak pamieram 50ch65 mietraŭ.
U vyniku pažaru nichto ź ludziej nie paciarpieŭ. Ahniom źniščanyja dach i majomaść, jakaja znachodziłasia ŭ budynku, paškodžany ścieny pa ŭsioj jaho płoščy.
Ciapier ratavalniki pravodziać praliŭku i razborku kanstrukcyj. Pryčyna pažaru vyśviatlajecca.