Były bramnik Hienadź Tumiłovič atrymaŭ hramadzianstva Izraila
53-hadovy były hałkipier zbornaj Biełarusi pa futbole Hienadź Tumiłovič paviedamiŭ, što atrymaŭ izrailski pašpart.
Hienadź Tumiłovič. Fota: MFK «Čisto Pitier»
«Užo ŭ Izraili. Jak heta atrymałasia pa ćvieraziaku — dahetul zrazumieć nie mahu. Siadžu tydzień, tuplu, razvažaju na hetuju temu. Pakul nie ŭkuryŭ, jak tak atrymałasia: letaś — nivodnaha pašparta nie było, sioleta — užo dva. Dakumienty atrymaŭ. Što budu rabić, pakul nie viedaju. Ciapier adpačyvaju, kajf», — skazaŭ u svaim telehram-kanale Hienadź Tumiłovič.
Viadoma, što kolišni viadomy futbalist, a ciapier trenier žyŭ niekalki hadoŭ u Rasii, a ŭ studzieni pierad vybarami jeździŭ u Biełaruś mianiać pašpart.
U kłubie ź Izraila jon hulaŭ u 1999-2000 hadach.
Jon vystupaŭ za zbornuju Biełarusi ŭ pieryjad z 1998 hoda pa 2004-y, pravioŭ za jaje 32 matčy. Adznačyŭsia nie tolki hulniavymi jakaściami, ale i časta ekscentryčnymi pavodzinami jak na futbolnym poli, tak i pa-za jaho miežami. Apošnim časam treniravaŭ kamandy pa plažnym futbole.
Čytajcie taksama:
Hienadź Tumiłovič: «Dziaŭčaty traplajuć na bazu pa vieraŭčanych leśvicach»
Tumiłovič abmaciaryŭ sudździu Kulbakova
Były hałkipier zbornaj Biełarusi abjaviŭ siabie achviaraj režymu Łukašenki