U hienafondzie paŭdniova-ŭschodnich biełarusaŭ vyjavili zachodnieazijacki kampanient
Pra toje, što ŭ hienafondzie paŭdniova-ŭschodnich biełarusaŭ vyjavili zachodnieazijacki kampanient, pišuć rasijskija navukoŭcy ŭ śviežym numary Journal of Human Genetics. Na publikacyju źviarnuŭ uvahu kanał «De facto. Biełaruskaja navuka».
Vyniki vyvučeńnia poŭnaj źmienlivaści mitachandryjalnaj DNK (mtDNK) u žycharoŭ z paŭdniovaha ŭschodu Biełarusi pakazali: biełarusy charaktaryzujucca vysokaj raznastajnaściu mitachandryjalnych hienomaŭ. Isnujuć značnyja adroźnieńni biełaruskaj vybarki ad asnoŭnaj masy ŭschodniejeŭrapiejskich papulacyj, u tym liku i słavianskich etnasaŭ.
U mitachandryjalnym hienafondzie biełarusaŭ vyjavili zachodnieazijacki kampanient (12,6%), što moža abumoŭlivać hienietyčnyja adroźnieńni biełarusaŭ ad inšych uschodnich słavian (ruskich i ŭkraincaŭ).
Uschodnieazijacki kampanient mitachandryjalnaha hienafondu daśledavanaj hrupy biełarusaŭ pradstaŭleny hapłahrupaj C5c1a (2,3%). Uzrost C5c1a składaje kala 4000 hadoŭ, jaje źjaŭleńnie va Uschodniaj Jeŭropie moža być źviazana ź mihracyjami ludziej z kaśpijskich stepaŭ u bronzavym vieku.