Maci zasiekła siakieraj traich svaich dziaciej u Krasnajarskim krai
U minułym hodzie žančynie pastavili dyjahnaz «šyzafrenija», piša SHOT.
Dom, dzie adbyłasia trahiedyja
Žorstkaje zabojstva adbyłosia ŭ pryvatnym domie na vulicy Hiercena ŭ Kansku. Baćka dziaciej, jaki pracuje kiroŭcam, źjechaŭ na rabotu, a 29-hadovaja Valancina zastałasia siadzieć z 4-hadovaj dačkoj, 9-hadovym i 7-miesiačnym synami, paviedamlaje kanał.
U niejki momant žančyna schapiła siakieru i nakinułasia na dziaciej. Zabiła ŭsich, a potym zajaviłasia da svaich baćkoŭ i paviedamiła, što ich unuki miortvyja.
U žyvych zastałosia tolki čaćviortaje dzicia — 7-hadovy syn Valanciny. Chłopčyk načavaŭ u babuli ź dziadulem.
Žančynu zatrymali. SHOT piša, što jana nazirałasia ŭ psichijatra.
Taksama siamja z 2024 hoda stajała na ŭliku jak sacyjalna niebiaśpiečnaja. Tady baćka źbiŭ 7-hadovaha syna. Adzinaha chłopčyka, jaki vyžyŭ.