Ukraina dažyłasia: maje patrebu ŭ biełaruskim cukry

Viaducca pierahavory ab pastaŭkach u 2010 hodzie va Ukrainu 100 tys.t biełaruskaha cukru. Ab hetym paviedamiŭ siońnia žurnalistam u Minsku Nadzvyčajny i Paŭnamocny Pasoł Ukrainy ŭ Biełarusi Ihar Lichavy.

Ukraina pazityŭna stavicca da pastavak biełaruskaha cukru, tamu što maje ŭ im patrebu, adznačyŭ pasoł. Ciapier mnohija ŭstarełyja cukrovyja zavody Ukrainy demanciravany. Biełaruskija pastaŭki paŭpłyvali b na cenavyja pakazčyki, ličyć jon. «Akramia taho, heta było b pa-partniorsku — kupić cukar u susiedziaŭ, čym zakuplać jaho ŭ bolš dalokich krainach», — skazaŭ Ihar Lichavy. Jon taksama adznačyŭ važnaść stvareńnia biełaruskaj kampanii pa pastaŭkach hetaha tavaru va Ukrainu.

Ukraina zacikaŭlena i ŭ zakupkach biełaruskaj małočnaj pradukcyi. «Ale heta nie značyć, što Ukraina stračvaje svaju słavu ahrarnaj krainy. Pa vytvorčaści słaniečnikavaha aleju, zbožžavych kraina pa-raniejšamu znachodzicca ŭ liku suśvietnych lideraŭ», — adznačyŭ pasoł. Ale pakolki ciapier viadziecca strukturnaja pierabudova haliny, Ukraina budzie impartavać hetyja tavary.

Kamientary da artykuła