U Horkach pačali śviatkavać Dzień Voli
Siabry hramadskich inicyjatyvaŭ i arhanizacyjaŭ pavinšavali siońnia horackuju moładź z Dniom Voli. Z samaj ranicy aktyvisty razdavali admysłova padrychtavanyja vinšavanki, jakija raskazvali pra Biełarskuju Narodnuju Respubliku, miežy, u jakich jana była abvieščana, dziaržaŭnyja simvały dy značeńnie 25 sakavika dla sučasnaj biełaruskaj historyi. A taksama pra pieršaha staršyniu Rady BNR Janku Sieradu, jaki z 1925 pa 1929 byŭ dacentam Biełaruskaj dziaržaŭnaj sielskahaspadarčaj akademii ŭ Horkach.
Siońnia dniom miascovyja aktyvisty arhanizujuć tałaku pa pryborcy mahiły Vojciecha Damarackaha, udzielnika paŭstańnia Kastusia Kalinoŭskaha, zabitaha na terytoryi Horak padčas vyzvaleńnia horada ad carskaj ułady ŭ 1863 hodzie. Viečaram na mahile Damarackaha adbudziecca ŭračystaje ŭskładańnie kvietak i začytvańnie vinšavalnaha pasłańnia ciapierašniaj staršyni Rady BNR Ivonki Surviły.
Taksama dla moładzi viečaram budzie praviedziena biełaruskamoŭnaja dyktoŭka.