ZŠA zabłakavali pryniaćcie zajavy G7 adnosna rasijskaha rakietnaha ŭdaru pa Sumach
Administracyja Donalda Trampa paviedamiła sajuźnikam pa «vialikaj siamiorcy», što nie moža padpisać zajavu z asudžeńniem rasijskaha ŭdaru pa Sumach, bo «pracuje nad zachavańniem prastory dla mirnych pieramoŭ», piša ahienctva Bloomberg.
Vyniku ŭdaru pa Sumach. Fota: Oleksandr Oleksienko/Kordon.Media/Global Images Ukraine via Getty Images
Kanada, jakaja maje sioleta staršynstva ŭ «vialikaj siamiorcy», paviedamiła sajuźnikam, što biez uchvaleńnia z boku ZŠA zrabić zajavu budzie niemahčyma.
Zhodna z čarnavikom zajavy, jaki jość u rasparadžeńnie Bloomberg News, u joj pavinna było być napisana, što napad na Sumy źjaŭlajecca dokazam taho, što Rasija maje namier praciahvać vajnu.
Donald Tramp napiaredadni nazvaŭ udar pa Sumach žachlivym, ale pra Rasiju niepasredna nie zhadaŭ. Jon skazaŭ, što «jany zrabili pamyłku», a na prośbu žurnalistaŭ udakładnić, što jon maje na ŭvazie, adkazaŭ: «Spytajcie ich».
Nahadajem, što ŭ Vierbnuju niadzielu 13 krasavika Rasija ŭdaryła pa Sumach, zahinuli 35 čałaviek, niekalkich dziasiatkaŭ paranienyja.
U Minabarony RF zajavili, što cellu ŭdaru pa Sumach byli ŭkrainskija vajskoŭcy.
Čytajcie taksama:
Pry ŭdary pa Sumach zahinuŭ kamandzir artyleryjskaj bryhady
U Minabarony RF zajavili, što cellu ŭdaru pa Sumach byli ŭkrainskija vajskoŭcy
«Mnie skazali, što jany zrabili pamyłku». Tramp prakamientavaŭ udar pa Sumach, ale Rasiju nie zhadaŭ
Paśla ŭdaru pa Sumach 13-hadovy chłopiec vybraŭsia z pałajučaha aŭtobusa i dapamoh ratavać inšych
Kolkaść zahinułych ad rasijskaha ŭdaru ŭ Sumach vyrasła da 34