Prakuratura raskazała padrabiaznaści avaryi na M-6, dzie zahinuli čatyry čałavieki
Pierad pajezdkaj 61-hadovy mužčyna paśpieŭ paspać usiaho try hadziny: nočču jon sustrakaŭ na vakzale svajakoŭ žonki, što pryjechali z Oršy. Ranicaj usia siamja pajechała ŭ Smarhoń — na cyrymoniju pryniaćcia prysiahi starejšym plamieńnikam.
U listapadzie 2024 hoda mužčyna dniom vioz na svaim aŭtamabili Opel Zafira žonku i čatyroch jaje svajakoŭ — siarod jakich byli dźvie niepaŭnaletnija asoby, 7 i 17 hadoŭ.
Na trasie M-6, u Lidskim rajonie, kiroŭca, mocna stomleny, zasnuŭ za rulom. Mašyna źjechała na abočynu, urezałasia ŭ aharodžu i mietaličnuju kanstrukcyju płatnaj darohi BelToll, paśla čaho pierakuliłasia.
Ad atrymanych traŭmaŭ čaćviora pasažyraŭ — 7, 17, 55 i 68 hadoŭ —pamierli na miescy. Kiroŭca i 51-hadovy mužčyna dastaŭleny ŭ balnicu.
Jak vyśvietliła śledstva, pierad pajezdkaj mužčyna paśpieŭ paspać usiaho try hadziny: nočču jon sustrakaŭ na vakzale svajakoŭ žonki, što pryjechali z Oršy. Ranicaj usia siamja pajechała ŭ Smarhoń — na cyrymoniju pryniaćcia prysiahi starejšym plamieńnikam. Paśla hetaha jany viartalisia dadomu, i niahledziačy na vidavočnuju stomlenaść, kiroŭca praciahnuŭ ruch, što i stała pryčynaj trahiedyi.
Zhodna z praviłami darožnaha ruchu, kiroŭcam zabaroniena siadać za rul u stanie mocnaj stomlenaści abo chvaroby, kali heta moža paŭpłyvać na biaśpieku. Taksama abaviazkovaje vykarystańnie ramianioŭ biaśpieki ŭsimi, chto znachodzicca ŭ mašynie.
Hienieralnaja prakuratura nakiravała ŭ sud kryminalnuju spravu suprać 61-hadovaha žychara Ščučynskaha rajona. Mužčynu abvinavačvajuć u parušeńni praviłaŭ darožnaha ruchu, što pryviało da śmierci čatyroch čałaviek i ciažkich traŭmaŭ jašče adnaho pasažyra (č.3 art. 317 Kryminalnaha kodeksa).