U Hrodnie da Dnia Pieramohi praviaduć rekanstrukcyju šturmu Rejchstaha
U Hrodnie buduć ładzić rekanstrukcyju šturmu Rejchstaha, paviedamlaje telekanał «Hrodna Plus». U roli Rejchstaha zdymiecca miascovy Pałac kultury tekstylščykaŭ.
Fota ilustracyjnaje
Rejchstah na hrodzienskaj hlebie pačnuć šturmavać 4 maja ŭ 14.00 na płoščy Savieckaj. Nad Pałacam kultury tekstylščykaŭ, jaki vykanaje rolu Rejchstaha, budzie ŭźviedzieny kupał, na jakim paviesiać ściah Pieramohi — čyrvony ściah ź siarpom i mołatam.
Pałac kultury tekstylščykaŭ u Hrodnie. Fota: Płanieta Biełaruś
Uvachod na Savieckuju płošču, kab pahladzieć heta vidovišča, budzie volnym. Taksama praces buduć tranślavać anłajn na niekalkich jutub-kanałach.
U rekanstrukcyi zadziejničajuć zvyš 100 čałaviek i 15 adzinak techniki.
Čytajcie taksama:
Da 80-hodździa pieramohi ŭ Druhoj suśvietnaj vajnie vypuściać jubilejny miedal