Cichanoŭskaja: «Dobryja ruskija» majuć zajavić, što nie buduć zamachvacca na suvierenitet Biełarusi
Dla bolš ščylnaha ŭzajemadziejańnia ŭ biełaruskich i rasijskich demakratyčnych sił «niama padstaŭ» u siłu «roznaha kantekstu i metaŭ», zajaviła demakratyčnaja lidarka Śviatłana Cichanoŭskaja ŭ efiry YouTube-kanała «I hrianuł Hrem», zaŭvažyŭ Pozirk.
Fota: SOPA Images LightRocket via Getty Images
«Adzinaje, što my tranślujem dla «dobrych ruskich», skažam tak, — heta toje, što jany majuć zajaŭlać, što, kali advajujuć svaju krainu, pačnucca niejkija pracesy ŭ Rasii, jany nie buduć zamachvacca na suvierenitet i niezaležnaść postsavieckich krain — u pryvatnaści Biełarusi, Ukrainy, Małdovy, Hruzii. I što jany pryhłušać svaje impieryjalistyčnyja ambicyi, bo kožnaja kraina maje prava vybirać tuju budučyniu, jakuju choča sama», — skazała Cichanoŭskaja.