Miedycynski turyzm u Biełarusi za 2024 hod vyras amal na 20%. Adkul jeduć i jakija pasłuhi ŭ topie?
Miedycynski turyzm u Biełarusi za 2024 hod vyras amal na 20%. Pa dapamohu da biełaruskich lekaraŭ źviartalisia žychary 157 krain, paviedamiŭ telekanał STV.
Bolšaść zamiežnych pacyjentaŭ — pradstaŭniki krain SND (pierš za ŭsio rasiejcy). U top taksama ŭvajšli žychary Kazachstana, Łatvii, Sierbii i Kitaja.
Pa słovach zahadčycy adździaleńnia Homielskaj haradskoj kliničnaj balnicy chutkaj miedycynskaj dapamohi Iłony Dziamjanienka, zamiežnikaŭ pryciahvaje prafiesijanalizm miedykaŭ, najaŭnaść vysokatechnałahičnaha abstalavańnia i dastupnaść lačeńnia.
Raniej kiraŭnik dziaržaŭnaha prajekta «Kliniki Biełarusi» Jan Biadušeŭski adznačaŭ, što samyja papularnyja napramki miedycynskaha turyzmu — transpłantałohija, ankałohija, kardyjachirurhija, płastyčnaja chirurhija, akušerstva, niejrachirurhija, traŭmatałohija, aftalmałohija, piša Smartpress.by.
Akramia taho, turysty-pacyjenty jeduć dla dyjahnastyčnych abśledavańniaŭ, adnaŭleńnia paśla pieraniesienych zachvorvańniaŭ, adpačynku ŭ azdaraŭlenčych kompleksach.