U śviecie deficyt fistašak — usio praz modny desiert
Ažyjataž vakoł dubajskaha šakaładu spravakavaŭ hłabalny deficyt fistašak. Ceny na fistaški za hod vyraśli z $7,65 da $10,3 za funt (za 450 hram), piša Financial Times.
Dubajski šakaład. Fota: fixdessertchocolate.com
Dubajski šakaład ŭjaŭlaje saboj batončyk z małočnaha šakaładu ź fistaškavym kremam. Kampanija FIX z AAE pačała jaho vyrablać u 2021 hodzie, ale rezki skačok papularnaści zdaryŭsia ŭ kancy 2023-ha paśla videaahladu hetaha desiertu ŭ TikTok, jaki sabraŭ 120 miljonaŭ prahladaŭ, pryvodzić detali Office Life.
Z kastryčnika 2024 hoda pa sakavik 2025-ha Iran, druhi najbujniejšy vytvorca fistašak u śviecie, ekspartavaŭ hetych arechaŭ u AAE na 40% bolš, čym za papiarednija 12 miesiacaŭ. U vyniku iranskaja Asacyjacyja vytvorcaŭ fistašak paćvierdziła, što miascovyja kampanii sutyknulisia z deficytam.
Da prykładu, u Vialikabrytanii niekatoryja kramy pačali abmiažoŭvać kolkaść plitak dubajskaha šakaładu, jakija moža kupić adzin čałaviek. A miascovy vytvorca šakaładu Prestat Group zajaviŭ, što ŭ kampanii nie chapaje resursaŭ na vyrab dastatkovaj kolkaści dubajskaha šakaładu.
Čytajcie taksama:
«Kamunarka» pačała pradavać dubajskija cukierki
Śledam za dubajskim šakaładam u Biełaruś prychodziać «aniolskija vałasy»