Tramp paabiacaŭ raskryć detali «mirnaha pahadnieńnia» pamiž Rasijaj i Ukrainaj na praciahu troch dzion
Prezident ZŠA Donald Tramp ličyć, što isnujuć «vielmi dobryja» šancy na zaklučeńnie niejkaha «mirnaha pahadnieńnia» pamiž Rasijaj i Ukrainaj. Pra heta jon skazaŭ žurnalistam padčas vielikodnaha mierapryjemstva ŭ Biełym domie 21 krasavika, piša «Jeŭrapiejskaja praŭda».
Donald Tramp. Fota: Anna Moneymaker / Getty Images
Na pytańnie pra mahčymyja detali «mirnaj damoŭlenaści», jakuju ZŠA prapanujuć zaklučyć pamiž Ukrainaj i Rasijaj, Tramp paabiacaŭ «abjavić poŭnyja detali na praciahu nastupnych troch dzion».
«Ale ŭ nas byli vielmi dobryja sustrečy pa Ukrainie i Rasii», — dadaŭ jon.
Paźniej, adkazvajučy na pytańnie pra mahčymaść zaklučeńnia takoha «mirnaha pahadnieńnia» na hetym tydni, amierykanski prezident adkazaŭ śćviardžalna.
«Jość vielmi dobry šaniec», — skazaŭ Tramp.
Raniej ahienctva Bloomberg paviedamlała, što amierykanskija prapanovy pa zaklučeńni «mirnaha pahadnieńnia» pamiž Rasijaj i Ukrainaj praduhledžvajuć pasłableńnie sankcyj suprać Rasii ŭ vypadku praciahłaha spynieńnia ahniu, patencyjnaje pryznańnie ZŠA ździejśnienaj u 2014 hodzie anieksii Kryma i niedałučeńnia Ukrainy da NATA.
Ciapier ZŠA, pavodle źviestak vydańnia, čakajuć adkazu Kijeva. Jon, jak čakajecca, budzie dadzieny na sustrečy amierykanskich, ukrainskich i jeŭrapiejskich čynoŭnikaŭ u Łondanie ŭ kancy hetaha tydnia.
Čytajcie taksama:
Pasłańnik Trampa Uitkaf znoŭ moža naviedać Rasiju na hetym tydni
Tramp: Spadziajusia, Rasija i Ukraina dasiahnuć pahadnieńnia na hetym tydni
«Pytańnie zakrytaje». Kit Kiełah zajaviŭ, što Ukraina nie stanie členam NATA
U Kramli dali zrazumieć, što Vašynhton vystupaje nie z tymi prapanovami