Paśla rozhałasu milicyja dała tłumačeńni nakont načnoj bojki zamiežnikaŭ u Homieli
Deboš zładzili dva studenty-marakancy z-za dziaŭčyny, piša kanał siłavikoŭ.
Pavodle paviedmleńnia, narad milicyi raźniaŭ udzielnikaŭ bojki, chutkaja dapamoha nikomu nie spatrebiłasia, zapeŭnivajuć siłaviki.
Pra los mužčyny, jaki lažyć na ziamli, ničoha nie paviedamlajuć.
Akramia taho, siłaviki zatrymańniami pryhrazili kamientataram.
U sacyjalnych sietkach siońnia raźlaciełasia videa bojki zamiežnikaŭ u centry Homiela. Na videa maładyja ludzi ŭschodniaj źniešnaści bjucca, treci chłopiec — nieruchoma lažyć na asfalcie, da jaho padychodzić milicyjant.
Bojka adbyłasia na płoščy Lenina ŭ Homieli kala ŭvachodu ŭ park pierad zabaŭlalnym centram Jeŭropa, daviedaŭsia «Fłahštok».
Pakul zdareńnie nie atrymała rozhałas, milicyja bojku nie kamientavała.