Rasijanie ŭdaryli pa Zaparožžy: zahinuła žančyna, kolkaść paranienych raście
Siarod paranienych dvoje dziaciej — adnamu chłopčyku 14 hadoŭ, druhomu 4 hady.
Rasijanie ŭdaryli pa šmatpaviarchoviku ŭ Zaparožžy, u vyniku čaho jak minimum adzin čałaviek zahinuŭ, jość paranienyja, piša UNIAN.
Pra heta paviedamiŭ kiraŭnik Zaparožskaj abłasnoj vajennaj administracyi Ivan Fiodaraŭ u Telegram. Pavodle jaho danych, paśla 11:00 ranicy była abvieščanaja pavietranaja tryvoha ŭ suviazi z pahrozaj prymianieńnia kiravanych avijacyjnych bombaŭ (KABaŭ) pa Zaparožskaj vobłaści i horadzie Zaparožžy.
Paźniej Fiodaraŭ paviedamiŭ, što ŭ vyniku varožaj ataki rasijan pa Zaparožskaj vobłaści, u adnym z rajonaŭ Zaparožža ŭźnik pažar.
Papiarednie dvoje ludziej paranieny. Paciarpiełych dastaŭlajuć u balnicu. Adnak paśla jon paviedamiŭ, što ataka rasijan na Zaparožža zabrała žyćcio adnaho čałavieka.