U ekśpiertyzie zachraśli prajekty biudžetnych abjektaŭ
Dziaržaŭnyja orhany nie praličyli nastupstvaŭ svaich zakanadaŭčych novaŭviadzieńniaŭ.
Fota: Minskbud
Pra heta paviedamlaje Proekt.by.
Paśla 22 sakavika ŭ Biełarusi ŭźnikli prablemy z apłataj dziaržaŭnych budaŭničych ekśpiertyz pa prajektach, što finansujucca ź biudžetu.
Kaznačejstva admaŭlajecca pieraličvać pieradapłatu, u vyniku čaho ekśpiertyzy nie prystupajuć da razhladu dakumientacyi. Prajekty faktyčna «zavisajuć» na niavyznačany termin.
Prablemy ŭźnikli praź źmieny, jakija Ministerstva finansaŭ uniesła ŭ instrukcyju ab paradku apłaty padobnych vydatkaŭ. Z 25 krasavika pieradapłata za praviadzieńnie dziaržaŭnych ekśpiertyz pieradprajektnaj (pieradinviestycyjnaj) i prajektnaj dakumientacyi pavinna ažyćciaŭlacca ŭ poŭnym abjomie koštu rabot.
Čynoŭniki Minfina nie ŭličyli, što ŭ orhanaŭ dziaržbudekśpiertyzy, padparadkavanych Ministerstvu architektury i budaŭnictva, mohuć być svaje intaresy ŭ apłacie ichniaj pracy, što pryviało ŭ vyniku da «zavisańnia» abjektaŭ, što moža paciahnuć za saboj pieranos terminaŭ zdačy sacyjalna važnych abjektaŭ.