Machlary stali atakavać chvorych na dyjabiet
Pra niebiaśpieku paviedamlaje ŭ svaim telehram-kanale Minzdaroŭja Biełarusi.
U sietcy źjaviłasia rekłama z hučnym zahałoŭkam: «MZS Rasii pieradaŭ Biełarusi ŭnikalny preparat ad dyjabietu, jaki źnižaje śmiarotnaść!».
U abjavie havorycca, što preparat možna atrymać pa zajaŭcy praz «aficyjnuju staronku», a kolkaść upakoŭkaŭ nibyta stroha abmiežavanaja.
Pierachodzicie pa spasyłcy — i spačatku ŭsio vyhladaje prystojna: artykuł nibyta ad doktara, tekst pra dyjabiet, bieź vidavočnych pamyłak. Ale raptam vyskakvaje akno:
«Vinšujem! Pakolki vy ź Minska, u vas jość unikalnaja mahčymaść atrymać tavar biaspłatna!»
I voś tut pačynajecca sapraŭdny abman.
Karystalniku prapanujuć uvieści asabistyja danyja — i jon traplaje ŭ pastku. Nijakaha preparatu i nijakaj dapamohi, tolki niebiaśpieka.