Polšča praviadzie vajskovyja vučeńni ŭ adkaz na rasijska-biełaruskija vučeńni «Zachad-2025»
Polšča adekvatna adkaža na rasijska-biełaruskija vučeńni «Zachad», zajaviŭ namieśnik ministra nacyjanalnaj abarony Cezary Tomčyk u efiry radyjo RMF FM. Jon patłumačyŭ, što ŭ Polščy projduć bujnyja manieŭry — jak polskija, tak i nastaŭskija, piša Most.
Fota: 15 Gižycka Brygada Zmechanizowana / twitter
Jon nahadaŭ, što ŭ 2024 hodzie Polšča ŭdzielničała ŭ najbujniejšych vajennych vučeńniach Steadfast Defender 2024, u jakich pryniali ŭdzieł 100 tysiač sałdat z krain NATA.
Namieśnik ministra abarony nie ličyć, što rasijska-biełaruskija vučeńni «Zachad-2025», zapłanavanyja na vierasień 2025 hoda, buduć pradstaŭlać pahrozu dla Polščy. Ale na pytańnie viadučaha, ci pastupali sihnały, što vyklikajuć zaniepakojenaść, Tomčyk adkazaŭ: «Sihnały, jakija tyčacca Rasii i Biełarusi, zaŭsiody vyklikajuć zaniepakojenaść».