«Ractruščeńnie hałavy». Stali viadomyja pryčyny śmierci biełarusaŭ, jakija vajavali za Rasiju

«Kibierpartyzany» paviedamili, što pa prośbach svaich padpisčykaŭ vybaračna pravieryli vykładzieny dniami ŭkrainskim prajektam «Chaču žyć» śpis z 742 najmitaŭ ź biełaruskimi pašpartami, jakija vajujuć va Ukrainie na baku Rasii.

Fota ilustracyjnaje

Sapraŭdnaść śpisu, pavodle «Kibierpartyzanaŭ», jak minimum častkova paćviardžajecca źviestkami ź biełaruskich dziaržaŭnych baz. Na hety momant nielha paćvierdzić mahčymuju centralizavanuju viarboŭku hetych najmitaŭ na terytoryi Biełarusi.

Vybaračnaja pravierka niekalkich dziasiatkaŭ proźvišča, imia pakazała:

• Daloka nie ŭsie ludzi sa śpisu mieli pašparty Biełarusi pa stanie na 2021 hod. Mahčyma, jany mahli atrymać ich paźniej.
• Bolšaść asob, jakija fihurujuć u śpisie, usio ž taki źjaŭlajucca hramadzianami Biełarusi. Siarod ich vialikaja kolkaść ludziej z sudzimaściami, byłych supracoŭnikaŭ MUS i KDB.
• Mnohija sa śpisu majuć nabytaje hramadzianstva Biełarusi, a pieršapačatkova jany byli hramadzianami Rasii abo Ukrainy.
• Častka hramadzian sa śpisu daŭno nie znachodzilisia na terytoryi Biełarusi, u tym liku pracavali abo adbyvali źniavoleńnie ŭ Rasii.
• Daloka nie ŭsie śmierci sa śpisu zafiksavanyja ŭ dziaržaŭnych bazach Biełarusi. Ale kali zafiksavanyja, to supadajuć z datami sa śpisu. Pry hetym u ludziej paznačanyja roznyja pryčyny śmierci.

«Kibiepartyzany» dziela prykładu padajuć źviestki na šeść čałaviek sa śpisu, jakija fihurujuć u dziaržaŭnych bazach pamierłych z paznakaj pryčyny śmierci.

Dzianis Mikałajevič Hryckievič, data naradžeńnia 31 kastryčnika 1987 hoda, pamior 21 studzienia 2024 hoda, pryčyna śmierci — «vajennyja apieracyi, jakija vyklikali paškodžańni inšymi vidami vybuchaŭ abo askiepkami». 

Rusłan Valancinavič Žarkoŭ, data naradžeńnia 19 sakavika 1989 hoda, pamior 28 žniŭnia 2023 hoda, pryčyna śmierci — «paškodžańni ŭ vyniku vajennych dziejańniaŭ, pryčynienyja ahniastrelnaj zbrojaj i inšymi vidami zvyčajnaha ŭzbrajeńnia».

Vital Viktaravič Burštyn, data naradžeńnia 3 krasavika 1991 hoda, pamior 29 žniŭnia 2024 hoda, pryčyna śmierci — «kryvaciok, nie kłasifikavany ŭ inšych rubrykach».

Rusłan Mikałajevič Bačkaroŭ, data naradžeńnia 24 červienia 1978 hoda, pamior 18 krasavika 2024 hoda, pryčyna śmierci — «inšyja ŭdakładnienyja traŭmy z uciahvańniem niekalkich vobłaściaŭ cieła».

Jaŭhien Tadevušavič Stankievič, data naradžeńnia 15 žniŭnia 1991 hoda, pamior 5 maja 2024 hoda, pryčyna śmierci — «rastruščeńnie hałavy».

Hienadź Paŭłavič Harudka, data naradžeńnia 12 sakavika 1981 hoda, pamior 18 studzienia 2024 hoda, pryčyna śmierci — «traŭma nieŭdakładnienaha orhana hrudnoj połaści».

Usie pieraličanyja, aprača Rusłana Žarkova, mieli roznyja prablemy z zakonam: byli ci sudzimyja, ci abmiežavanyja na vyjezd, ci abjaŭlalisia ŭ vyšuk.

Kamientary da artykuła