Zialenski: Rasija letam niešta rychtuje ŭ Biełarusi
Prezident Ukrainy Uładzimir Zialenski miarkuje, što letam 2025 hoda Rasija moža da niečaha rychtavacca ŭ Biełarusi, prykryvajučysia vajskovymi vučeńniami. Pra heta jon havaryŭ, vystupajučy na samicie Trochmorja ŭ Varšavie.
Uładzimir Zialenski. Fota: Raa NurPhoto via Getty Images
«Pahladzicie na Biełaruś — hetym letam Rasija rychtuje tam niešta, prykryvajučysia vajskovymi vučeńniami. Mienavita tak zvyčajna pačynajucca jaje novyja ataki. Ale kudy hetym razam? Nie viedaju. Ukraina? Litva? Polšča? Nie daj boh! Ale my ŭsie pavinny być hatovyja. Usie našy instytuty adkrytyja dla supracoŭnictva».
Raniej u lutym Zialenski zajaviŭ, što Rasija płanuje ŭ 2025 hodzie padrychtavać dla ŭzmacnieńnia biełaruskaha kirunku 15 dyvizij kolkaściu 100-150 tysiač vajskoŭcaŭ.
Vučeńni «rehijanalnaj hrupoŭki vojskaŭ» Biełarusi i Rasii projduć na terytoryi Biełarusi ŭ 2025 hodzie.
Čytajcie taksama:
Tramp dapuściŭ, što moža pierajści na bok Ukrainy
Tramp skazaŭ, što Zialenski moža admovicca ad Kryma
Śviatłana Cichanoŭskaja ŭziała ŭdzieł u samicie Trochmorja ŭ Varšavie