U Polščy zatrymali biełarusa ź pistaletam — jon skazaŭ, što jedzie vajavać u Biełaruś
Supracoŭniki čyhunačnaj achovy zatrymali ŭ ciahniku ŭ Ščecinie 49-hadovaha biełarusa ź pistaletam, paviedamiła pres-słužba słužba achovy čyhunak Polščy. Na publikacyju źviarnuła ŭvahu vydańnie Most.
Incydent adbyŭsia ŭ niadzielu, 27 krasavika, u ciahniku, jaki ruchaŭsia z Kamień-Pamorskaha ŭ Ščecin.
Adzin z pasažyraŭ pavodziŭ siabie niespakojna, da taho ž u jaho zaŭvažyli zbroju. Načalnik ciahnika paviedamiŭ ab hetym u Słužbu achovy čyhunki, i na stancyi ŭ Ščecinie supracoŭniki viedamstva sustreli mužčynu. Jon akazaŭsia 49-hadovym hramadzianinam Biełarusi.
Mužčyna pavodziŭ siabie ahresiŭna i zajaviŭ, što jedzie vajavać u Biełaruś.
Jak vyśvietliłasia paźniej, u mužčyny byŭ nie bajavy pistalet, a traŭmatyčnaja zbroja — madel BYRNA SD. Taki pistalet stralaje humovymi i pieračnymi šarykami, ale vyhladaje jak sapraŭdny.
Biełarusa dastavili ŭ adździaleńnie palicyi.