Rada dyrektaraŭ Tesla pačała šukać zamienu Iłanu Masku
Rada dyrektaraŭ Tesla pačała šukać novaha hienieralnaha dyrektara kampanii, jaki zojmie hetuju pasadu zamiest Iłana Maska. Pra heta piša The Wall Street Journal sa spasyłkaj na krynicy.
Fota: Beata Zawrzel / NurPhoto via Getty Images
Surjozna ŭ Tesla zadumalisia pra zamienu Maska kala miesiaca tamu — na fonie padzieńnia akcyj kampanii i razdražnieńnia častki inviestaraŭ z-za taho, što Mask zasiarodžany na pracy ŭ Biełym domie. U hety momant rada dyrektaraŭ źviarnułasia ŭ niekalki arhanizacyj pa padbory kiraŭnikoŭ, zapuściŭšy farmalnyja pracesy pošuku nastupnaha kiraŭnika.
Kali Tesla ŭ druhoj pałovie krasavika adrapartavała pra padzieńnie prybytku na 71%, Mask publična paabiacaŭ, što budzie mienš času nadavać Departamientu efiektyŭnaści dziaržaŭnaha kiravańnia (DOGE). Zrabić hetuju zajavu, pavodle danych krynic WSJ, jaho prasili ŭ saviecie dyrektaraŭ.
U vyniku rada dyrektaraŭ zvuziła fokus da supracoŭnictva z adnoj bujnoj kampanijaj, jakaja šukaje prydatnych kandydataŭ na pasadu hienieralnaha dyrektara. Jak zaraz raźvivajecca hety praces, nieviadoma. Mask na prośbu prakamientavać nie adkazaŭ.
Čytajcie taksama:
Mask paabiacaŭ nadalej mienš pracavać u administracyi Trampa i bolš — u svaich kampanijach
Mask hatovy pakinuć pasadu, bo «stamiŭsia ad napadak levych»