Sierb Vučyč i słavak Fica raptoŭna prychvareli. Ich udzieł u paradzie ŭ Maskvie pad pytańniem

Abodva palityki admianiajuć mierapryjemstvy na bližejšyja dni.

Alaksandr Vučyč (źleva) z prezidentam Rasii Uładzimiram Pucinym. Archiŭnaje fota: Mikhail Klimentyev, Sputnik, Kremlin Pool Photo via AP

Prezident Sierbii Alaksandr Vučyč skaraciŭ vizit u ZŠA praz prablemy sa zdaroŭjem. Spasłaŭšysia na rekamiendacyi miedykaŭ, jon daterminova viartajecca ŭ Biełhrad.

Vučyč paśpieŭ sustrecca z kanhresmienami, a taksama ź sierbskimi pradprymalnikami. A voś pieramovy z čynoŭnikami z Respublikanskaj partyi adkłalisia.

Udzieł Vučyča ŭ paradzie na 9 maja ŭ Maskvie, ad jakoha jaho adhavorvali jeŭrapiejskija čynoŭniki, ciapier pad pytańniem. Ź inšym patencyjnym udzielnikam, premjer-ministram Słavakii Robiertam Fica, taksama ŭsio składana.

U jaho abvastrylisia prablemy za zdaroŭjem. Fica nie pajechaŭ na mierapryjemstvy, pryśviečanyja śviatkavańniu 1 maja, nie vyjšaŭ na zapłanavanuju načnuju źmienu na chlebazavodzie ŭ horadzie Nitra. Lekcyja dla studentaŭ Oksfardskaha ŭniviersiteta ŭ Brytańnii taksama nie adbudziecca.

Były prezident Čechii Miłaš Zieman patłumačyŭ, što pryčynaj raptoŭnaj źmieny płanaŭ stali nastupstvy letašniaha ranieńnia.

Kamientary da artykuła