«Hołas Amieryki» moža adnavić viaščańnie na nastupnym tydni
Supracoŭniki atrymali dostup da ŭnutranych sietak.
Były žurnalist ukrainskaj słužby Astap Jaryš adznačyŭ, što ŭviečary 2 maja supracoŭniki, jakija byli ŭ vymušanym adpačynku, znoŭ atrymali dostup da ŭnutranych sietak. Im pryjšoŭ elektronny list ad kiraŭnictva Ahienctva hłabalnych miedyja ZŠA (USAGM), u jakim było zajaŭlena, što ŭ bližejšy čas jany atrymajuć instrukcyi pra «nastupnyja kroki».
Washington Post piša, što USAGM adnaŭlaje kala 1400 supracoŭnikaŭ i padradčykaŭ na pracy, u tym liku žurnalistaŭ «Hołasa Amieryki».
Nahadajem, što ŭ 2025 hodzie «Hołas Amieryki» časova prypyniŭ svaju pracu paśla taho, jak Tramp padpisaŭ ukaz ab skaračeńni finansavańnia ahienctva. Adnak sud abaviazaŭ administracyju adnavić supracoŭnikaŭ i finansavańnie, bo nie było pravavoj asnovy dla skaračeńnia.