U Pietrykaŭskim rajonie ad udaru małanki zahinuła 71 karova, paciarpieŭ žyviołavod
U Pietrykaŭskim rajonie Homielskaj vobłaści małanka trapiła ŭ pole, dzie na volnym vypasie znachodziłasia žyvioła.
U vyniku zdareńnia ciažka paciarpieŭ žyviołavod adnaho ź sielskahaspadarčych pradpryjemstvaŭ, a taksama zahinuła 71 karova. Trahiedyja adbyłasia pablizu fiermy «Vaniužyčy».
Jak paviedamlajecca, u čas navalnicy žyvioła znachodziłasia na adkrytaj miascovaści. Udar małanki staŭ śmiarotnym dla bolšaści statka. Žyviołavod, jaki byŭ pobač, atrymaŭ traŭmy — pra jaho stan nie paviedamlajecca.
Supracoŭniki MNS nahadvajuć pra važnaść vykanańnia pravił biaśpieki padčas navalnicy. Asabliva aściarožnymi varta być u adkrytaj miascovaści: nie nabližacca da mietaličnych kanstrukcyj, nie šukać prytułku pad drevami i nie dakranacca da žyvioły.