Tramp vyrašyŭ pryciahnuć Erdahana dla spynieńnia vajny va Ukrainie
Prezident ZŠA Donald Tramp u svajoj sacyjalnaj sietcy Truth Social zajaviŭ, što maje namier damahacca chutčejšaha zaviaršeńnia vajny va Ukrainie sumiesna z tureckim prezidentam Redžepam Taipam Erdahanam.
Donald Tramp i Redžep Taip Erdahan u 2019 hodzie. Fota: Peter Nicholls, Pool Photo via AP
«U mianie tolki što adbyłasia vielmi dobraja i praduktyŭnaja telefonnaja razmova z prezidentam Turcyi Redžepam Erdahanam. My abmierkavali šerah tem, uklučajučy vajnu pamiž Rasijaj i Ukrainaj, Siryju, siektar Haza i mnohaje inšaje. Ja ź nieciarpieńniem čakaju sumiesnaj pracy z prezidentam Erdahanam nad tym, kab pakłaści kaniec niedarečnaj, ale śmiertanosnaj vajnie pamiž Rasijaj i Ukrainaj — prosta ciapier!», — napisaŭ Tramp.
Jon taksama nahadaŭ, što ŭ pieryjad svajho pieršaha prezidenckaha terminu ŭ jaho skłalisia «vydatnyja adnosiny» z Erdahanam.
Pa słovach Trampa, turecki prezident zaprasiŭ jaho ź vizitam u Turcyju, a sam Erdahan nieŭzabavie maje namier naviedać Vašynhton.
Čytajcie taksama:
«Čyrvonyja linii»: Tramp adkazaŭ, pry jakich umovach ZŠA vyjduć ź pieramoŭ adnosna vajny
Tramp daručyŭ adkryć turmu dla asabliva niebiaśpiečnych złačyncaŭ na vostravie Alkatras