Na Kamaroŭcy źjavilisia pieršyja biełaruskija kłubnicy. Cana kusajecca
Pradaviec pryvioz pieršy ŭradžaj jahad z Alšan.
Na Kamaroŭskim rynku ŭ Minsku źjavilisia pieršyja biełaruskija kłubnicy. Pradaviec Vital pryvioz ich z Alšan na Stolinščynie.
Jon pryznajecca, što jahady z kiślinkaj. U prodažy dva sarty — «Alba» i «Azija». Cana pakul kusačaja — 35 rubloŭ za kiłahram.
Miesiac tamu hrečaskija kłubnicy na Kamaroŭcy kaštavali 20 rubloŭ za kiło. Minčanie pišuć u kamientaryjach, što zamiežnyja jahady možna znajści i tańniej.
Cana na pieršyja biełaruskija kłubnicy nie ździŭlaje, kali ŭličyć składanyja klimatyčnyja ŭmovy, u jakich jany rastuć. Kaniec krasavika ŭ Biełarusi byŭ adznačany niečakanymi zamarazkami, tamu fiermieram davodzicca chitravać, kab zachavać uradžaj.
Na palach staviać śviečki i lampy abo navat raspalvajuć nievialikija vohniščy, kab aciaplić aharod i nie dać raślinam dy jahadam zamierznuć.