Hrodzienski historyk razhadaŭ zahadku malunka Napaleona Ordy
Hrodzienski historyk Miečysłaŭ Supron vyznačyŭ, z jakoha rakursu Napaleon Orda zrabiŭ adzin sa svaich hrodzienskich malunkaŭ. Razhadać zahadku atrymałasia dziakujučy jakasnaj kopii, jakuju jon zdabyŭ, piša Hrodna.life.
Malunak Napaleona Ordy
Historyk doŭhi čas nie moh zrazumieć, ź jakoha rakursu Orda namalavaŭ krajavid adnoj z hrodzienskich vulic. Na jakasnaj kopii malunka bačna, što mastak pakinuŭ podpis: Grodno, 4 Sierpnia 1866. Wyjazd z mostu (Hrodna, 4 žniŭnia 1866. Vyjezd z mosta).
«U horadzie taho času było niekalki mastoŭ. Praŭda toje zbolšaha byli «mastki», a sapraŭdny vialiki most dla piešachodaŭ i pavozak byŭ tolki adzin — praź Nioman. Znachodziŭsia jon u samym spusku vulicy Mastavoj i złučaŭ histaryčny centr ź levabiarežnaj častkaj — Farštatam. Most na hetym miescy byŭ nie pieršy pa liku. Usia sprava ŭ tym, što byŭ jon draŭlany, tamu doŭha nie słužyŭ», — patłumačyŭ u svaim błohu historyk.
Tak Supronu ŭdałosia vyśvietlić, što Orda namalavaŭ skryžavańnie vulic Mastavoj i zavułka Padhornaha. Ale da siońniašniaha dnia draŭlanaja zabudova, adlustravanaja mastakom, nie zachavałasia.
Skryžavańnie hrodzienskich vulic, jakija namalavaŭ Orda
Čytajcie taksama:
Najviadomiejšaja histaryčnaja vyjava Novaha zamka ŭ Hrodnie akazałasia niesapraŭdnaj
Biełaruś u retraśpiektyvie: vyjšaŭ kalandar z malunkami Napaleona Ordy i sučasnymi zdymkami