Alaksiej Protas zakinuŭ svaju pieršuju šajbu ŭ Kubku Stenli
U pieršym matčy druhoha raŭndu płej-of Kubka Stenli «Vašynhton Kepitałz» na chatnim lodzie ŭ aviertajmie prajhraŭ «Karalinie Charykiejnz» ź likam 1:2.
Fota: x.com/Capitals
Adziny hoł «Vašynhtona» ŭ hetaj sustrečy zabiŭ biełaruski forvard Alaksiej Protas, jaki hulaŭ u čaćviertym źvianie. Alaksiej zakinuŭ na 23-j chvilinie.
Heta stała pieršym hołam u płej-of NCHŁ u karjery.
Ahułam Protas pravioŭ na lodzie 16 chvilin i 2 siekundy, u tym liku amal dźvie chviliny (1:56) hulaŭ u mienšaści. U jaho aktyvie: 1 hoł, 4 kidki (2 mima varot), 1 zabłakavany kidok supiernika, pakazčyk karysnaści: «0».