Ataki ŭkrainskich dronaŭ pryviali da chaosu ŭ rasijskich aeraportach
Zatrymanyja dziasiatkaŭ rejsaŭ, pasažyry hadzinami siadziać u samalotach i załach čakańnia.
Maskoŭskija aeraporty paralizavanyja z-za atak bieśpiłotnikaŭ: rasijskija avijakampanii masava skasoŭvajuć i abjadnoŭvajuć rejsy.
Va Unukavie — anšłah, infarmacyjnyja tabło śvieciacca «žoŭtym i čyrvonym», znajści svabodnaje miesca ŭ aeraporcie amal niemahčyma.
Ludzi znachodziać sabie miesca ŭ pierapoŭnienym aeraporcie Unukava
Ale kałaps nie tolki ŭ maskoŭskich aeraportach, ale i ŭ Sankt-Pieciarburhu, kudy pieranakiroŭvali maskoŭskija rejsy.
U vyniku ŭ Pułkavie — zatory i zatrymki, aeraport pierapoŭnieny, rejsy masava nie vylatajuć, pasažyraŭ nie vypuskajuć z samalotaŭ, nie chapaje trapaŭ i transpartu dla dastaŭki da terminała.
Pasažyry paviedamlajuć, što šmat hadzin vymušanyja zastavacca ŭ samalotach paśla pryziamleńnia.