U Varšaŭskim univiersitecie student-juryst ź siakieraj napaŭ na kampus i adsiok vachciorcy hałavu
Uviečary 7 traŭnia ŭ hałoŭnym kampusie Varšaŭskaha ŭniviersiteta adbyłosia žudasnaje zdareńnie: 22-hadovy student jurydyčnaha fakulteta napaŭ ź siakieraj na supracoŭnikaŭ ustanovy. U vyniku napadu zahinuła žančyna, jašče adzin čałaviek byŭ ciažka paranieny.
Skryn videa ź miesca zdareńnia
Pavodle infarmacyi palicyi, kala 18:40 chłopiec uvarvaŭsia na terytoryju ŭniviersiteta ź siakieraj u rukach i napaŭ na ludziej.
Zabitaja — 60-hadovaja žančyna, jakaja pracavała vartaŭnicaj. Jaje adsiečanaja hałava była znojdziena na terytoryi kampusa.
Ciažka paranieny taksama achoŭnik, jaki sprabavaŭ spynić napadnika. Jon byŭ špitalizavany ŭ krytyčnym stanie.
Palicyja zatrymała napadnika na miescy zdareńnia. Pavodle polskich ŚMI, heta student treciaha kursa jurydyčnaha fakulteta Varšaŭskaha ŭniviersiteta.
Pryčyny jaho dziejańniaŭ pakul nieviadomyja.
Kiraŭnictva Varšaŭskaha ŭniviersiteta apublikavała aficyjny zvarot, u jakim nazvała zdareńnie «vialikaj trahiedyjaj». Rektar univiersiteta abviaściŭ 8 traŭnia dniom žałoby: usie zaniatki i mierapryjemstvy admienienyja.