Biełarusam prapanujuć dziŭnuju padpracoŭku za 1000 rubloŭ u dzień

U sacsietkach užo nie pieršy raz uspłyvajuć prapanovy dla biełarusaŭ źjeździć u Rasiju i aformić tam paru bankaŭskich kart — naturalna, nie biaspłatna. Čytač «Anłajniera» natknuŭsia na takuju abjavu i vyrašyŭ daviedacca padrabiaznaści.

Viasnoj 2023 hoda «Anłajnier» užo pisaŭ pra takija varyjanty padpracoŭki. Adpaviednyja prapanovy tady publikavali ŭ sacsietcy «VKontaktie», achvotnym treba było źjeździć na dzień u Sankt-Pieciarburh, aformić na siabie bankaŭskija kartki i atrymać za heta 100 dalaraŭ.

Padobna na toje, što hety «biznes» nikudy nie źnik i tolki nabiraje abaroty. Apłata ž takich pasłuh ciapier prykmietna vyrasła. Ciapier biełarusam prapanujuć jechać u Maskvu, a nie ŭ Pieciarburh, i abyści tam niekalki ŭstanoŭ. Rascenki — ad 50 da 300 rubloŭ za afarmleńnie kartak roznych bankaŭ. U sumie abiacajuć 1000 rubloŭ za dzień.

Jak i raniej, arhanizatary takoj pajezdki kampiensujuć prajezd i raźličvajucca najaŭnymi paśla afarmleńnia karty. Aŭtary abjavaŭ pišuć, što «kartki buduć vykarystoŭvacca vyklučna dla pracesinhavych i bazavych apieracyj», ale nijakich harantyj niama, kudy pojduć danyja i što potym budzie z hetymi kartkami.

U Biełarusi jość kryminalnaja adkaznaść za pieradaču rekvizitaŭ bankaŭskich kartak dla zarobku — niaredka ašukancy prosiać aformić kartku i pieradać im jaje danyja, a potym vykarystoŭvajuć jaje ŭ svaich schiemach.

Chutka ŭstupić u siłu jašče adna navina — banki pavinny buduć papiaredžvać klijentaŭ da zaklučeńnia damovy ab kryminalnaj adkaznaści za raspaŭsiudžańnie rekvizitaŭ kartak.

Kamientary da artykuła