Stała viadoma, što budzie z zakrytym «Domam kino» u Minsku
Apošni pakaz u kinateatry prajšoŭ 30 krasavika, ciapier jaho pieradali BRSM. Telehram-kanał «Śviaŝiennyj Biełavud» atrymaŭ płan taho, jak budzie vyhladać budynak paśla pierabudovy.
«Dom kino». Fota: commons.wikimedia.org
Kinateatr «Dom kino» płanujuć pieratvaryć u «Dom moładzi». Kali pačniecca pierabudova, nieviadoma.
«Śviaŝiennyj Biełavud» pakazaŭ, jak budzie vyhladać abnoŭleny fasad.
Prajekt pierabudovy. Karcinka: «Śviaŝiennyj Biełavud» / Telegram
Častka supracoŭnikaŭ minułaha «Doma kino» pierajšła pracavać u inšyja kinateatry sietki, častka zvolniłasia.
Kinateatr «Dom kino» — u municypalnaj ułasnaści ŭnitarnaha pradpryjemstva «Kinavideaprakat» Minskaha haradskoha vykanaŭčaha kamiteta. U čas BSSR z 1975 hoda mieściŭsia ŭ budynku Čyrvonaha kaścioła. Tam byli dźvie zały i muziej kiniematahrafii. Viernikam budynak kaściołu viarnuli ŭ 1990-yja.
Čytajcie taksama:
Kinateatr «Dom kino» ŭ Minsku zakryvajecca. Budynak addaduć BRSM