Zialenski adkazaŭ na prapanovu Pucina ab pieramovach
Prezident Ukrainy nazvaŭ heta dobrym znakam, ale znoŭ zaklikaŭ da spynieńnia ahniu.
Uładzimir Zialenski. Fota: Pier Marco Tacca / Getty Images
Prezident Ukrainy Uładzimir Zialenski nazvaŭ dobrym znakam prapanovu Uładzimira Pucina adnavić pramyja pieramovy ŭ Stambule.
Pry hetym Zialenski zaklikaŭ da spynieńnia ahniu z 12 traŭnia.
«Heta dobry znak, što rasijanie narešcie zadumalisia pra zakančeńnie vajny. Uvieś śviet užo vielmi daŭno hetaha čakaje. I pieršy krok da realnaha zakančeńnia luboj vajny — heta spynieńnie ahniu.
Niama nijakaha sensu praciahvać zabojstvy navat jašče na adzin dzień. Čakajem, što Rasija paćvierdzić spynieńnie ahniu — poŭnaje, praciahłaje i nadziejnaje — pačynajučy ŭžo zaŭtra, 12 traŭnia, i Ukraina hatovaja da sustrečy», — napisaŭ Zialenski ŭ telehram-kanale.
Napiaredadni ŭ Kijevie «kaalicyja achvotnych» u składzie lidaraŭ Vialikabrytanii, Francyi, Hiermanii, Polščy i Ukrainy zaklikała da biezumoŭnaha spynieńnia ahniu z 12 maja. Adnak Uładzimir Pucin u načnym zvarocie prapanavaŭ adnavić pieramovy z Ukrainaj u Stambule z 15 maja — biez papiarednich umovaŭ.
Čytajcie taksama:
Makron ab prapanovie Pucina: Jon šukaje vychad, ale choča vyhadać čas
Pucin prapanavaŭ Ukrainie adnavić mirnyja pieramovy ŭ Stambule 15 maja