Zialenski zajaviŭ, što budzie asabista čakać Pucina ŭ Turcyi
Prezident Ukrainy spadziajecca, što sustreča adbudziecca ŭžo ŭ čaćvier.
Prezident Ukrainy Uładzimir Zialenski. Fota: AP Photo Efrem Lukatsky
Pra heta Uładzimir Zialenski zajaviŭ u svaim telehram-kanale.
«My čakajem ad zaŭtra spynieńnia ahniu — poŭnaha i tryvałaha, kab dać nieabchodnuju asnovu dla dypłamatyi. Niama sensu zaciahvać zabojstvy. I ja budu čakać Pucina ŭ čaćvier u Turcyi. Asabista. Spadziajusia, što rasijanie hetym razam nie buduć šukać pryčyny, čamu jany nie mohuć», — havorycca ŭ paviedamleńni.
Napiaredadni ŭ Kijevie «kaalicyja achvotnych» u składzie lidaraŭ Vialikabrytanii, Francyi, Hiermanii, Polščy i Ukrainy zaklikała da biezumoŭnaha spynieńnia ahniu z 12 maja. Adnak Uładzimir Pucin u načnym zvarocie prapanavaŭ adnavić pieramovy z Ukrainaj u Stambule z 15 maja — biez papiarednich umovaŭ. U Kijevie padkreślivajuć važnaść spynieńnia ahniu da pačatku pieramovaŭ. Prezident Turcyi Redžep Taip Erdahan zajaviŭ, što hatovy arhanizavać mirnyja pieramovy, ale taksama padkreśliŭ nieabchodnaść spynieńnia ahniu.