Rasijski Śledčy kamitet raskazaŭ, što stała pryčynaj vidoviščnaha pažaru na buravoj vyšcy «Biełarusnafty» na Jamale
Pa fakcie zdareńnia na terytoryi naftavaha radovišča ŭ Puraŭskim rajonie Jamała-Nienieckaj aŭtanomnaj akruhi Rasii zaviali kryminalnuju spravu za «parušeńnie patrabavańniaŭ pramysłovaj biaśpieki niebiaśpiečnych vytvorčych abjektaŭ», paviedamiŭ rasijski Śledčy kamitet.
«Papiarednie ŭstanoŭlena, što 10 maja […] rabotnikami pradpryjemstvaŭ «Charampurnaftahaz», «Viezierford» i «Biełarusnafta Sibir» vykonvalisia raboty pa absłuhoŭvańni śvidraviny, — havorycca ŭ paviedamleńni. — Supracoŭniki parušyli patrabavańni pramysłovaj biaśpieki, u vyniku čaho adbyłosia ŭzharańnie śvidraviny. Padčas pažaru paciarpieli troje rabočych, atrymanyja traŭmy rasceńvajucca jak takija, jakija pryčynili ciažkuju škodu zdaroŭju».
Napiaredadni viečaram rasijskija miedyja raspaŭsiudzili videazapis ź miesca zdareńnia, na jakim vidać, jak padaje adna z buravych vyšak, ź jakoj bje adkrytaje połymia.
Čytajcie taksama:
U Sibiry zaharełasia i abrynułasia buravaja vyška «Biełarusnafty»
APIEK+ rezka pavialičvaje zdabyču nafty. Heta ŭdaryć pa rasijskim biudžecie
Rasijskaja ekanomika ŭ pieršym kvartale ŭpieršyniu z 2022 hoda pakazała spad