Rubia pravioŭ pieramovy z kiraŭnikami MZS Ukrainy, Brytanii i ES
Dziaržsakratar ZŠA Marka Rubia pravioŭ pieramovy ź ministrami zamiežnych spraŭ Ukrainy, Brytanii, krain ES i kiraŭnicaj jeŭrapiejskaj dypłamatyi Kajaj Kałas, piša Bi-bi-si.
Marka Rubia ŭ efiry NBC News. Skrynšot videa
U pieramovach pra mirnaje ŭrehulavańnie va Ukrainie ŭdzielničali kiraŭniki MZS Francyi, Hiermanii, Polščy i Brytanii, a taksama ministr zamiežnych spraŭ Ukrainy Andrej Sibiha.
«Lidary abmierkavali dalejšyja dziejańni pa spynieńni ahniu i šlachi da miru va Ukrainie», — havorycca ŭ paviedamleńni.
U paniadziełak pa vynikach sustrečy ŭ Łondanie kiraŭniki MZS Brytanii i krain ES zajavili, što vitajuć mirnyja namahańni pad kiraŭnictvam ZŠA i pierśpiektyvu dalejšych pieramovaŭ na hetym tydni.
«Rasija dahetul nie pakazała surjoznaj zacikaŭlenaści dasiahnuć prahresu. Jana pavinna zrabić heta biez pramarudžvańnia. My dałučajemsia da Ukrainy i patrabujem nieadkładnaha, poŭnaha i biezumoŭnaha spynieńnia ahniu na 30 dzion, kab stvaryć prastoru dla pieramovaŭ pra spraviadlivy, usieabdymny i doŭhaterminovy mir», — havaryłasia ŭ sumiesnaj zajavie.