U Bresckaj vobłaści pačaŭsia zbor z vajskoŭcami zapasu
Z 13 maja ŭ Bresckaj vobłaści startuje płanavy vučebny zbor z vajennaabaviazanymi, pryznačanymi dla kamplektavańnia terytaryjalnych vojskaŭ Bresckaha rajona, paviedamlaje Minabarony.
Ilustracyjnaje fota Minabarony
Padčas zboru adbudziecca pryjom vajennaabaviazanych terytaryjalnych vojskaŭ, ich usiebakovaje zabieśpiačeńnie i padrychtoŭka da vykanańnia zadač terytaryjalnaj abarony. Kamandnamu składu terytaryjalnych vojskaŭ treba budzie adnavić navyki ŭ kiravańni padnačalenymi.
Asnoŭnaja ŭvaha budzie skiravana na «adpracoŭku zadač terytaryjalnaj abarony ŭzmocnienymi padraździaleńniami terytaryjalnych vojskaŭ sumiesna z vajennymi častkami Uzbrojenych sił, u tym liku z prymianieńniem srodkaŭ aktyŭnaha i pasiŭnaha supraćdziejańnia bieśpiłotnym latalnym aparatam».