Minčanka naradziła pieršaje dzicia ŭ 54 hady
Heta adbyłosia jašče ŭ 2013 hodzie, ale jaje rekord pakul nie mohuć pabić.
Ilustratyŭny zdymak
Minčanka Taćciana Karotkaja ŭpieršyniu stała maci ŭ 54 hady. Heta adbyłosia jašče ŭ 2013 hodzie: žančyna naradziła dvuch synoŭ u RNPC «Maci i dzicia».
Z taho času nichto ź biełarusak hety rekord pakul nie pabiŭ, raskazali ŭ efiry STB.
Načalnik hałoŭnaha ŭpraŭleńnia arhanizacyi miedycynskaj dapamohi Minzdaroŭja Leanid Niedzień adznačyŭ, za apošnija niekalki hadoŭ miedycyna značna prasunułasia napierad.
«Siońnia šaniec stać ščaślivaj maci jość u mnohich pacyjentak z cukrovym dyjabietam, endakrynnaj patałohijaj, zahanami serca, ankałohijaj. Na dadzieny momant naličvajecca bolš za 70 žančyn ź pierasadžanaj nyrkaj, jakija paśpiachova vynošvali i naradzili dzicia», — padkreśliŭ Niedzień.
Jon taksama dadaŭ, što ŭ niekatorych vypadkach, kali ŭ pacyjentki jość peŭnyja supraćpakazańni, joj prapanujecca biaspłatnaja sproba EKA.