Biełaruska zakazała na Wildberries 34 kupalniki i atrymała chvalu nianaviści ŭ sacsietkach
Zakaz na 3078 rubloŭ 20 kapiejek žančyna aformiła, kab vybrać madel, jakaja najbolš budzie joj pasavać.
Ilustracyjny zdymak. Skrynšot: Kupalnik Zella / wildberries.by
Pra svoj vybar z 34 kupalnikaŭ jana napisała ŭ tvitary.
Pad žartaŭlivym pastom «sprabujem vybrać sabie kupalnik» ludzi pačali pisać, što žančyna pieraŭtvaraje dziažurstvy supracoŭnikaŭ Wildberries u piekła.
Skrynšot: classique_bitch / X
«Vy drenny čałaviek, jaki robić usim horš», «moža, varta schadzić u kramu i pamierać?», «potym hetyja kupalniki pryjduć da kahości skomkanyja i ŭ vydzialeńniach», «supracoŭnika PVT (punkt vydačy tavaraŭ) škada» — kažuć karystalniki.
Publikacyja biełaruski naźbirała 1,6 miljona prahladaŭ, 124 kamientaryja i 221 adkaz.
Sama žančyna napisała, što nie pierajmajecca praź mierkavańnie ludziej u internecie, ale zakryje kamientaryi pad pastom.
«Maje dziejańni całkam apraŭdany jak z punktu hledžańnia zakona, tak i z maralna-etyčnaha boku», — padsumavała jana.
Skrynšot: classique_bitch / X