Prezident Brazilii lacić u Maskvu, kab padšturchnuć Pucina da pieramovaŭ u Stambule
Łuis Inasiu Łuła da Siłva zajaviŭ, što asabista budzie patrabavać ad kiraŭnika RF Uładzimira Pucina ŭdzielničać u pieramovach z prezidentam Ukrainy Uładzimiram Zialenskim u Turcyi, piša Kyiv post.
Łuis Inasiu Łuła da Siłva padčas vajskovaha parada ŭ Dzień niezaležnaści ŭ stalicy krainy Brazilia. 7 vieraśnia 2023 hoda. Fota: Eraldo Peres / AP
Pavodle danych ŚMI, da Siłva na zvarotnym šlachu ŭ Braziliju paśla zaviaršeńnia rehijanalnaha forumu ŭ Kitai spynicca ŭ Maskvie.
«Ja pasprabuju pahavaryć z Pucinym. Mnie ničoha nie kaštuje skazać: «Hej, tavaryš Pucin, jedźcie ŭ Stambuł i damaŭlajciesia, čort vaźmi», — skazaŭ Łułu da Siłva pierad adlotam u Maskvu.
Jak viadoma, pieramovy, zapłanavanyja na 15 maja ŭ Stambule, mohuć stać pieršymi pramymi pieramovami pamiž Kijevam i Maskvoj z 2022 hoda.
Kamientary da Siłvy źjavilisia paśla taho, jak ministr zamiežnych spraŭ Ukrainy 13 traŭnia zaklikaŭ Braziliju skarystać svoj upłyŭ na Rasiju i zrabić tak, kab sustreča pamiž Pucinym i Zialenskim adbyłasia.
Čytajcie taksama:
Abmien usich pałonnych i spynieńnie ahniu. Zialenski nazvaŭ temy dla pieramovaŭ z Pucinym u Stambule
Delehacyju ZŠA na pieramovach u Turcyi ŭznačalić Rubia
Uitkaf i Kiełah 15 maja pajeduć u Turcyju dla ŭdziełu ŭ pieramovach