U bałocie na Homielščynie znajšli mumifikavany trup. Vyznačyć asobu dapamahła vielmi maleńkaja detal
Cieła znajšli ŭ śniežni ŭ Karmianskim rajonie. Čałaviek, chutčej za ŭsio, skončyŭ žyćcio samahubstvam.
Fota: Dziaržaŭny kamitet sudovych ekśpiertyz
Mumifikavanaje cieła znajšli na zabałocistym učastku lesu kala vioski Sapažki. Usie abstaviny i abstanoŭka na miescy zdareńnia ŭkazvali na samahubstva, pryčym adbyłosia jano vielmi daŭno.
Cieła było mocna mumifikavana, častkova pieratvaryłasia ŭ škilet. Tamu navat vyznačyć, nie kažučy ŭžo pra asobu, było ciažka, raskazali ŭ Dziaržaŭnym kamitecie sudovych ekśpiertyz.
Dapamahła adna maleńkaja detal. Ekśpiert źviarnuŭ uvahu, što da palca trupa prylip listok raśliny. A pad listkom zachavalisia papilarnyja linii, to-bok možna było ŭziać adbitak palca.
Adbitak supaŭ pa bazach z adbitkam čałavieka, jaki daŭno źnik.