Karanik paabiacaŭ mahčymaść atrymańnia daviedak biez pachodu ŭ palikliniku
Ukaranieńnie centralizavanaj sistemy achovy zdaroŭja zapłanavana da kanca 2025 hoda.
Vice-premjer, były ministr achovy zdaroŭja Uładzimir Karanik raskazaŭ pra mahčymaść atrymańnia daviedak biez zvarotu ŭ palikliniku, piša BiełTA.
Pavodle jaho słoŭ, ukaranieńnie centralizavanaj sistemy achovy zdaroŭja zapłanavana da kanca 2025 hoda. Jon udakładniŭ, što ŭ suviazi z hetym źjaviacca dadatkovyja elektronnyja servisy i dla pacyjentaŭ. Naprykład, u asabistym kabiniecie pacyjent zmoža bačyć historyju zvarotaŭ, vyniki analizaŭ.
— Častku dakumientaŭ i daviedak možna budzie atrymlivać aŭtamatyčna, biez zvarotu ŭ miedycynskuju ŭstanovu, a taksama zapisvacca na peŭnyja vidy abśledavańnia biez naviedvańnia palikliniki, — padkreśliŭ Karanik.
Pavodle jaho słoŭ, centralnaja płatforma, akramia abjadnańnia isnujučych miedycynskich infarmacyjnych sistem, vyznačyć taksama stratehiju raźvićcia na najbližejšy hod.