ES abmiarkoŭvaje ŭviadzieńnie karnych pošlin suprać Rasii
Jeŭrapiejskija lidary abmiarkoŭvajuć uviadzieńnie «karnych» pošlin na impart z Rasii paśla taho, jak Pucin nie ŭziaŭ udzieł u pieramovach u Stambule, paviedamlaje Politico.
Fota: AP
Pavodle infarmacyi vydańnia, na samicie Jeŭrapiejskaha palityčnaha supolnictva ŭ Tyranie (Ałbanija), jaki prachodzić 16 maja, abmiarkoŭvajecca ŭviadzieńnie vialikich — «karnych» — taryfaŭ na impart z Rasii.
Ideja była prapanavana sienataram ad Respublikanskaj partyi ZŠA Lindsi Hremam, jaki raniej padrychtavaŭ zakonaprajekt ab uviadzieńni 500% taryfu dla krain, jakija impartujuć z Rasii naftu, naftapradukty, pryrodny haz abo ŭran.
U minułuju subotu, 10 maja, krainy ES pahražali Rasii novymi sankcyjami, kali Maskva nie pahodzicca na 30-dzionnaje spynieńnie ahniu, na jakoje pahadziłasia Ukraina. Adnak Rasija nie spyniła ahoń z paniadziełka, 12 maja.
Na samicie buduć prysutničać lidary ES, Vialikabrytanii, Ukrainy i Turcyi.