Machlaru, jaki padmanuŭ pažyłych žančyn u Hrodnie, prysudzili 5,5 hoda kałonii strohaha režymu
U Hrodnie vyniesieny prysud mužčynu, jaki padmanam vykraŭ hrošy ŭ dvuch pažyłych žančyn.
Jak ustanaviŭ sud, u žniŭni minułaha hoda złamyśnik patelefanavaŭ 81-hadovaj piensijaniercy i paviedamiŭ iłžyvuju infarmacyju pra DTZ z udziełam jaje syna, paviedamlaje Newgrodno.by.
Złačynca pierakanaŭ žančynu ŭ nieabchodnaści terminova pieradać jamu 10 000 rubloŭ dla «ŭrehulavańnia nastupstvaŭ avaryi», paśla čaho pryjechaŭ i zabraŭ hrošy. Pa anałahičnaj schiemie mužčyna vykraŭ jašče 15 000 rubloŭ u inšaj paciarpiełaj.
Abvinavačany prysudžany da 5 hadoŭ 6 miesiacaŭ pazbaŭleńnia voli ŭ kałonii strohaha režymu z dadatkovym štrafam 100 bazavych vieličyń (4200 rubloŭ).