Tramp nie staŭ ličyć Pucina pieraškodaj na šlachu da miru
Prezident ZŠA ŭ razmovie z Fox News čarhovy raz vykazaŭ mierkavańnie, što prezident Rasii Uładzimir Pucin «stamiŭsia» ad vajny. Intervju, apublikavanaje 16 maja, było zapisana da taho, jak stali viadomyja vyniki sustrečy 16 maja rasijskaj i ŭkrainskaj delehacyj u Stambule.
Fota: Alex Brandon / AP
Pry hetym na pytańnie viadučaha, ci ličyć jon Pucina pieraškodaj dla dasiahnieńnia miru, Tramp nie daŭ pramoha adkazu.
«Ja dumaju, što Pucin stamiŭsia ad usiaho hetaha. Jon vyhladaje drenna, a choča vyhladać dobra. Nie zabyvajcie, bo ŭsio heta pavinna było skončycca za tydzień. I kali b jon nie zaviaz u hrazi sa svaimi tankami, jany byli b u Kijevie praź piać hadzin», — adznačyŭ Tramp.
Prezident ZŠA taksama znoŭ zajaviŭ, što bieź jaho mirnaje ŭrehulavańnie niemahčymaje, i paviedamiŭ pra namier sustrecca z rasijskim lidaram. «U mianie vielmi dobryja adnosiny z Pucinym. Ja dumaju, my dasiahniem pahadnieńnia», — skazaŭ jon.